Əgər rus ordusu Donetsk vilayətinin sərhədlərinə çatarlarsa, yaranmış fürsətdən istifadə edə bilərlər və yəqin ki, istifadə edəcəklər.

Axar.az xəbər verir ki, bu nəticəyə Ukraynanın “DeepState” adlı monitorinq layihəsinin analitikləri gəliblər.

Ehtimal edilir ki, Donetsk vilayətinin sərhədlərinə çatmaq ruslar tərəfindən təbliğat məqsədilə “qələbə” başlıqları üçün istifadə olunacaq, Dnepropetrovsk vilayətinə isə “Ukrayna cəmiyyətinə təsir və təzyiq faktorunu gücləndirmək üçün” baxılır.

Bundan əlavə, qeyd olunur ki, ruslar bu vəziyyətdən istifadə edərək ümumi durumu qeyri-sabitləşdirməyə, eləcə də Ukrayna Müdafiə Qüvvələrinin diqqətini və resurslarını yayındırmağa cəhd edə bilərlər.