Ana səhifə Planet |
Bir neçə min alman ABŞ Hərbi Hava Qüvvələrinin Almaniyanın cənub-qərbində yerləşən Ramştayn bazasını mühasirəyə alıb.
Musavat.com bildirir ki, onlar ABŞ-ın hava əməliyyatlarının bu bazadan idarə olunmasıına etiraz edirlər.
Aksiyanın təşkilatçısı "Ramştaynı dayandırmaq, pilotsuz təyyarə müharibəsinə son" birliyi olub.
Birliyin üzvlərinin fikrincə, aviabaza ABŞ-ın operatorları və onların İraq, Əfqanıstan, Pakistan, Yəmən və Suriyadakı pilotsuz təyyarələri arasında vasitəçi rolunu oynayır. Etirazçılar ABŞ-ın öz pilotsuz təyyarələrini idarə etmək üçün Almaniya ərazisindən istifadə etməsini Almaniya konstitusiyasının pozulması kimi qiymətləndiriblər.
Polisin sözlərinə görə, ABŞ-ın Avropada Hərbi Hava Qüvvələrinin də qərargahı sayılan bazasında etirazçıların sayı 3-4 min nəfər olub.
Tarix
2016.06.12 / 00:40
|
Müəllif
Axar.az
|