Ukrayna hələ də Rusiya ilə sülh danışıqlarını qadağan edən qanunu ləğv etməyib. Bu səbəbdən Prezident Vladimir Zelenskinin Rusiya Prezidenti Vladimir Putinə etdiyi dəvət daha çox diplomatik jest kimi qiymətləndirilir.

Axar.az xəbər verir ki, bunu “Ankara-Moskva” analitik şəbəkəsinin aparıcı eksperti, türkiyəli politoloq Engin Özər deyib.

Özər hesab edir ki, əsas müzakirələr ekspertlər səviyyəsində aparılacaq, lakin bu, rəsmi danışıqların başlanması ehtimalını da istisna etmir. Türkiyə isə prosesdə vasitəçi kimi mühüm rol oynaya bilər.

Qeyd edək ki, Putin 15 mayda İstanbulda Ukrayna ilə heç bir ilkin şərt olmadan birbaşa danışıqlar təklif edib. Zelenski isə buna cavab olaraq dərhal atəşkəs elan edilməsini istəyib və 15 mayda Putinlə şəxsən görüşmək üçün İstanbula gedəcəyini vurğulayıb.