Mən 11 sentyabr 2001-ci ildə törədilən teraktla bağlı aparılan istintaqın nəticələrinin ictimaiyyətə təqdim edilməsinin tərəfdarıyam.

Axar.az xəbər verir ki, bunu ABŞ Mərkəzi Kəşfiyyat İdarəsinin rəhbəri Con Brennan söyləyib. Onun sözlərinə görə, ABŞ bu sənədləri ictiamiyyətə təqdim edəcək və məhz o zaman Səudiyyə Ərəbistanının bu hadisələrlə əlaqəsinin olmadığı ortaya çıxacaq:

"Artıq teraktların tədiqiqatı üzrə komissiya Ər-Riyadın burada heç bir günahı olmadığı haqda sübutlara sahibdir. Son 15 il ərzində Səudiyyə Ərəbistanı ABŞ-ın terrorizm sahəsində ən yaxşı tərəfdaşlarından biridir".

Qeyd edək ki, 11 sentyabr teraktı ilə bağlı tədqiqat komissiyasının hesabatı ilk dəfə 2002-ci ildə yayımlanıb. Lakin o zamankı ABŞ Prezidenti Corc Buş bu sənədin 28 səhifəsini ictimaiyyətə açılmasına qadağa qoyub. Son günlər hesabatın açılması məsələsi yenidən aktivləşib. Ər-Riyad bu sənədlərin açılmasının Vaşinqtonla münasibtlərinə mənfi təsir göstərəcəyini bildirib.