İtaliyanın məşhur "İl Giornale" nəşri Üçüncü Reyxin rəhbəri Adolf Hitlerin dünya şöhrətli "Mayn Kampf" ("Mənim mübarizəm") kitabını hissə-hissə nəşr edir.

Axar.az xəbər verir ki, qəzetin bu addımı ölkədəki yəhudilərin etirazına səbəb olub. Bir müddət sonra yerli siyasətçilər də nəşrin bu addımını pisləyib. İtaliyanın Baş naziri Matteo Rençi də qəzetin sözügedən kitabı nəşr etməyinə öz etirazını bildirib.

Nəşrin sahibi isə söz azadlığının olduğu bir dövrdə istədiyi mətni nəşr edə biləcəyini açıqlayıb:

"Buna yalnış bir müstəvidən yanaşmayın. Biz böyük təhlükə və pisliklərin necə yarandığını bilməsək, onun qarşısını da ala bilmərik".

Xatırladaq ki, Adolf Hitlerin həbsxanada olduğu zaman köməkçisi Rudolf Hessə diktə etdiyi bu kitab dünyanın bir çox ölkəsində qadağan edilib.