İran hökuməti əfqanlardan ibarət döyüşçü qruplarını Suriyaya göndərmək üçün Əfqanıstanın Herat bölgəsində qeydiyyat mərkəzi yaradıb.

Axar.az xəbər verir ki, bu barədə "SC Monitor" nərşinin yazarı Skot Peterson məlumat yayıb.

Petersonun sözlərinə görə, əfqanlar Suriyada İran uğrunda döyüşməmək üçün ölkədən qaçır:

"Dolce&Qabbana köynəyi geyinən əfqan gənci şiələr naminə döyüşməkdənsə, rahat həyatı seçər. O, Əfqanıstanı şəxsi problemləri səbəbindən tərk etmək istəyir. Əvvəlcə İrana getmək lazım imiş, bu səbəbdən aidiyyəti şəxslərə müraciət edib. Tehranla əlaqəsi olan şəxslər isə onu daha yaxşı həyat şəraiti müqabilində Suriyada Bəşər Əsədin tərəfində döyüşməyə vadar ediblər. 21 yaşlı gəncə Suriyadan qayıtdığı halda ev, pul və İran pasportu vəd edilmişdi".

Peterson onu da əlavə edib ki, əfqanlar arasında zorla müharibəyə cəlb edilənlər az deyil.

O, belələrinin Avropaya qaçdığını bildirib.