Rusiya tərəfindən "RS-24 Yars" qitələrarası raketinin ehtimal olunan nümayişi heç bir hərbi əhəmiyyət kəsb etməyəcək, yalnız siyasi mahiyyət daşıya bilər.

Axar.az xəbər verir ki, bunu ukraynalı aviasiya eksperti Konstantin Krivolap deyib.

"Bir tərəfdən bu “Yars”a hazır olmalıyıq, amma panikaya düşməməliyik. Şübhəsiz ki, bu qitələrarası raket oyun dəyişdiricisi olmayacaq. Bu, yalnız Putinin təhdidi, guya hər şeyə qadir olduğunu və sanksiyalara əhəmiyyət vermədiyini göstərəcək. Necə ki danışıqlar Trampın teatrıdır, Putinin də “Yars”la təhdidləri Tramp və Avropa üçün ancaq teatrdır", - o bildirib.

Onun fikrincə, Putin bu raketlə Ukraynanı və Qərbi qorxudur, çünki “Oreşnik”lə sınaqlardan sonra onun nümayiş etdirəcək başqa bir şeyi yoxdur.

Qeyd edək ki, Ukrayna kəşfiyyatı Rusiyanın "Yars"la zərbə endirəcəyi haqda məlumat yaymışdı.