Avropa Birliyi Yaxın Şərqdə nüvə silahından azad olan zonanın yaradılması üçün təkid edir.

Axar.az RİA-ya istinadən xəbər verir ki, bu açıqlama ilə Avropa Birliyinin (AB) xarici əlaqələr və təhlükəsizlik siyasəti üzrə ali nümayəndəsi Federika Mogerini çıxış edib.

Onun sözlərinə görə, hazırda nüvə sınaqlarının yenidən aparılması təhlükəsi mövcuddur:

"Buna misal olaraq 2016-cı ilin yanvarında KXDR-in keçirdiyi və dünya ictimaiyyəti ilə yanaşı AB-nin də sərt tənqidlərinə məruz qaldığı sınaqları göstərmək olar. Bu cür təhlükələri gözə almaq olmaz. Sözügedən məsələ ilə bağlı nəzərdə tutulan razılaşmaya artıq 183 ölkə qoşulub, yalnız 8 ölkə qalıb".