Polşa və Baltikyanı ölkələr Rusiyaya qarşı yeni hava hücumundan regional müdafiə sisteminin yaradılması üçün danışıqlar aparır.

Axar.az xəbər verir ki, bunu "Faynənşl Tayms" qəzetinə müsahibəsində Litva Müdafiə naziri Yuozas Olekas söyləyib. Onun sözlərinə görə, Polşa, Latviya, Litva və Estoniyanın danışıqlara başlamasının əsas səbəbi Rusiyanın Kalininqrad və özünün qərb sərhədlərində aktivliyini artırmasıdır. O, belə bir sistemin iki-üç il ərzində təhvil veriləcəyini bildirib.

Qeyd edək ki, Rusiya bundan öncə Kollektiv Təhlükəsizlik Müqaviləsi Təşkilatına üzv ölkələrlə birgə hava hücumundan vahid müdafiə sistemi yaradacağını bəyan edib. Moskva artıq Qazaxıstan və Belarusla vahid sistemə malikdir.