Rusiya Federasiyası Dövlət Dumasının sədri Sergey Narışkin ABŞ-ın Orlando şəhərində baş verən terror aktına münasibət bildirib.

Axar.az xəbər verir ki, parlament sədri teraktın baş verməsində ABŞ kəşfiyyatını günahlandırıb:

"ABŞ kəşfiyyatı böyük səhv etdi. Hətta terrorçunu fərqli vaxtlarda üç dəfə dindirdiklərini etiraf ediblər".

Narışkin teraktdan sonra sərbəst şəkildə odlu silah gəzdirmək qanununa yenidən baxılmasının vacib olduğunu əlavə edib.

Xatırladaq ki, əfqan əsilli ABŞ vətəndaşı Ömər Mətin "Pulse" gecə klubuna silahlı hücumu zamanı 50 nəfəri öldürüb, 53 nəfəri isə yaralayıb. Polislə yaranan qarşıdurmada terrorçu məhv edilib.