Çin alimləri ABŞ Prezidenti Donald Trampın elan etdiyi “Qızıl Qübbə” raketdən müdafiə sisteminin effektivliyinə xələl gətirə biləcək yeni material hazırlayıblar. Bu sistem gizli material kimi istifadə edilə bilər.

Axar.az xəbər verir ki, bu barədə "South China Morning Post" məlumat yayıb.

Qeyd olunub ki, yeni material infraqırmızı və mikrodalğanın aşkarlanmasına qarşı effektivdir:

"Bu, yüksək sürətli təyyarələr və raketlər üçün faydalı ola bilər. Müasir döyüş sahəsinə nəzarət infraqırmızı və mikrodalğaların aşkarlanmasından çox asılıdır. İnfraqırmızı sistemlər cisimlər tərəfindən yayılan istilik şüalarını aşkar edə bilir, mikrodalğalı sistemlər isə hədəfləri aşkar etmək üçün əks olunan mikrodalğalı siqnalları yayan və qəbul edən radarlardan istifadə edir".