Almaniyanın Xarici İşlər naziri Frank-Valter Ştaynmayer və Fransa Xarici İşlər naziri Jan-Mark Ero britaniyalılara müraciət edib.

Axar.az xəbər verir ki, müraciətdə hər iki nazir Britaniyanı Avropa Birliyini tərk etməməyə çağırıb. Onların fikrincə, əgər bu reallaşarsa, o zaman Avropa Birliyi üçün əsl şok yaşanacaq:

"Nəticədə uzun illərdir davam edən inteqrasiya prosesi bir anda dezinteqrasiyaya çevriləcək. Britaniya AB-dən ayrılsa, Avropanın çox şeyi çatışmayacaq. Biz Avropaya yeni dinamika vermək istəyirik".

Qeyd edək ki, Böyük Britaniyanın AB-dən çıxması ilə bağlı referendum iyunun 23-də baş tutacaq.