Ukrayna Müdafiə Nazirliyi yeni yerli istehsal olan antidron tapançanın istifadəsinə rəsmi şəkildə icazə verib.

Axar.az xəbər verir ki, bu barədə Ukrayna Müdafiə Nazirliyi məlumat yayıb.

Bildirilib ki, cihaz dronların idarəetmə və video-ötürmə kanallarını bloklayaraq elektromaqnit maneələr yaradır, beləliklə düşmən PUA-larının işini effektiv şəkildə dayandıra bilir.

Məlumata görə, tapança monolit konstruksiyaya malikdir, çəkisi cəmi 1 kiloqramdan bir qədər çoxdur və ön cəbhədə fərdi istifadə üçün nəzərdə tutulub.

Müdafiə Nazirliyi qeyd edib ki, qurğu artıq bütün zəruri sınaqlardan keçib və yaxın vaxtlarda döyüş bölmələrinə təhvil veriləcək.