Müsəlmanlar təxribatlardan uzaqdırlar və hüquq-mühafizə orqanları ilə daim əlaqədədirlər.

Axar.az xəbər verir ki, bu sözləri ABŞ-ın Federal Təhqiqat Bürosunun direktoru Ceyms Komi Respublikaçılar Partiyasından prezidentliyə namizəd Donald Trampın müsəlmanlar haqqında iddalarına cavab olaraq deyib.

"Müsəlmanlar istər öz dinlərindən olanların, istərsə də digərlərinin cinayət törətməsini istəmir. Bizimlə daim əlaqədə olan, cinayət hadisələrini vaxtında çatdıran elə müsəlmanlardır", - Komi bildirib.

Qeyd edək ki, Donald Tramp müsəlmanların radikal şəxsləri hüquq-mühafizə orqanlarından gizlətdiyini söyləmişdi.