Slovakiyanın Baş naziri Robert Fitso parlamentin antirusiya sanksiyalarına qarşı qəbul etdiyi qətnaməni dəstəkləyib.

Axar.az Globalinfo.az-a istinadla xəbər verir ki, bu barədə baş nazir özü açıqlamasında deyib.

“Biz bu sanksiyaların Slovakiyanın milli maraqlarına zərər vurub-vurmayacağı ilə bağlı daxili təhlil aparırıq. Bu, güclü siyasi alətdir. Lakin bizə zərər verəcək bir sanksiya olarsa, heç vaxt ona səs verməyəcəyəm”, – baş nazir əlavə edib.

Qeyd edək ki, bundan əvvəl Slovakiya Prezidenti Petr Pelleqrini antirusiya sanksiyalarının ləğvi ilə bağlı referendum keçirilməsini tələb edən petisiyanı rədd etmişdi.