Britaniya hökumətinin yüksək vəzifəli məmurları İngiltərə ilə Rusiya azarkeşləri arasında baş verən qarşıdurmalarda Kremlin əlinin olduğunu iddia edib.

Axar.az "Qardian" qəzetinə istinadən xəbər verir ki, Britaniya rəsmiləri əsasən, dava salanlar arasında Rusiyanın güc strukturlarının əməkdaşlarının olduğunu bildiriblər.

İddiaya görə, güc strukturlarının əməkdaşları Fransanın Marsel və Lill şəhərlərində ingilis azarkeşlərə hücumların təşkilinə qatılıblar.

Qeyd edək ki, iyunun 11-də Avro-2016 çərçivəsində Rusiya ilə İngiltərə yığmalarının görüşündən öncə və qarşılaşma zamanı azarkeşlər arasında dava düşüb.