Vətəndaş müharibəsi təhlükəsini görürəm, əminliklə deyə bilərəm ki, bu şəxs (Ermənistanın Baş naziri Nikol Paşinyan - red.) bu yolla gedir və onun bu istiqamətdə hazırlanmış “yol xəritəsi” var.

Axar.az xəbər verir ki, bu barədə “Ermənistan” blokundan olan deputat Qarnik Danielyan deyib.

O, ölkədə və onun ətrafında baş verən hadisələri çox təhlükəli adlandıraraq bildirib ki, hakimiyyət xalqı və ölkəni qarşıdurmalara aparır.

Deputatın fikrincə, təxribatlar olacaq, təşkilatlanmış qruplar yaradılacaq və bu qruplar ictimaiyyəti çaşdırmağa, cəmiyyətin bir hissəsini öz cinayətlərinə şərik etməyə çalışacaqlar.

Qeyd edək ki, Ermənistanda kilsə-hökumət gərginliyi son günlər açıq müstəviyə keçib.