İsrail İrana zərbə endirmək üçün 200 təyyarədən istifadə edib.

Axar.az xəbər verir ki, bunu İsrail ordusunun nümayəndəsi, briqada generalı Effi Defrin deyib.

O bildirib ki, bu təyyarələr vasitəsilə 330-dan çox sursat atılıb.

Qeyd edək ki, İsrail Hərbi Hava Qüvvələri 13 iyun səhər tezdən İranın nüvə və hərbi bazalarına zərbələr endirib. Zərbələr nəticəsində İranın Natanzdakı nüvə obyekti, Təbriz və digər şəhərlərdəki hərbi və raket bazaları vurulub, İran Silahlı Qüvvələrinin Baş Qərargah rəisi, general-leytenant Məhəmməd Bagiri, İslam İnqilabı Keşikçiləri Korpusunun komandiri Hüseyn Salami, SEPAH generalı Qulaməli Rəşid, nüvə alimləri Məhəmməd Mehdi Tehrançı və Firudin Abbasi öldürülüb.