İsrail niyə İrana hücum etdi? Burada əsas səbəblərdən biri Təl-Əvivlə Tehranda hakimiyyətdə olan radikal islamçılar arasında qarşılıqlı nifrətdir.

Axar.az xəbər verir ki, bunu rusiyalı politoloq Sergey Markov İsrailin İrana bugünkü hava hücumu haqda qeyd edib.

“Konkret olaraq, İran İsrailin Livanda Hizbullaha hücumuna və İrana qarşı bir sıra məhdud raket hücumuna güclü cavab verə bilmədikdə öz zəifliyini göstərdi. Hücumun məqsədi İranda radikal islamçıların gücünü tamamilə aradan qaldırmaqdır. Amma bu, sonra baş verəcək. Həm də müxalif iranlıların əli ilə. Hücum üçün bəhanə İranın nüvə proqramıdır. İranda 60%-ə qədər zənginləşdirilmiş 400 kq uran var. Atom bombası üçün 90% zənginləşdirilmiş 40 kq uran lazımdır. MAQATE bildirir ki, İran bu şərtlər altında bir neçə ay ərzində nüvə bombası yarada bilər. Məncə, MAQATE İsrail kəşfiyyatının nəzarəti altındadır. ABŞ və İsrail İrandan nüvə stansiyaları üçün uranın zənginləşdirilməsindən tamamilə imtina etməyi tələb edir. İran qürurla elan etdi ki, özünün tam nüvə yanacağı istehsalı dövrünü yarada bilib: sıfırdan 60%-ə qədər. Və nüvə bombası üçün 90%-ə qədərinə ehtiyacı yoxdur. Lakin İsrail və ABŞ İrana güvənmir və uranın zənginləşdirilməsi ilə bağlı bütün iqtisadiyyatın ləğvini tələb edir, çünki Tehran mütləq gizli şəkildə atom bombası yaratmaq istəyir.

Dünya nə İsrailə, nə də İrana güvənir”, - o bildirib.