ABŞ Prezidenti Donald Trampın hazırkı dövründə Ukraynada müharibəyə son qoyulması arzuolunandır.

Axar.az xəbər verir ki, bunu Ukrayna Prezidenti Vladimir Zelenski xalqa axşam videomüraciətində deyib.

Kiyevdə yaşayış binasına Rusiyanın hücumundan danışan Zelenski bildirib:

"Adi yaşayış binası. Raket bütün mərtəbələri keçərək zirzəmiyə qədər çatdı. Bu zərbənin heç bir hərbi mənası yox idi, bu, Rusiyaya hərbi mənada heç nə qazandırmadı. Bu, terror hadisəsidir, Putinin başçılığı altında Rusiya ordusunun hər yerdə etdiyi bir şeydir: Çeçenistandan Suriyaya qədər..."

O, Rusiyaya sanksiyaların əhəmiyyətli dərəcədə gücləndirilməsinin vacib olduğunu vurğulayıb.