İngiltərə kimi ictimaiyyətin fikrini öyrənərik. Xalqımızdan "Avropa Birliyi ilə müzakirələrə davammı, yoxsa tamammı", - deyə soruşarıq. Referendum keçirdərik.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan AB-yə üzvlüklə bağlı aparılan müzakirələrə münasibət bildirərkən deyib.

"İngiltərə Baş naziri Devid Kemeron Türkiyənin 3000-ci ildən tez AB-yə üzv olmayacağını söyləyir. Lakin görüşdüyümüzdə Kemeron belə demirdi. Sabah İngiltərədə ölkənin AB-də qalıb-qalmaması ilə bağlı referendum keçiriləcək. Mən indidən deyə bilərəm ki, İngiltərə AB-dən çıxmayacaq. Türk xalqı müsəlman olduğu üçün AB-yə qəbul edilmir. Lazım gələrsə, üzvlük məsələsi ilə bağlı biz də referendum keçirə bilərik", - Ərdoğan bildirib.