"Cənubi Osetiya ordusu"nun hərbi texnikası modernizasiya edilərək, ölkədə yerləşdirilən Rusiyanın 58-ci ordusu ilə eyni səviyyəyə çatdırılacaq.

Axar.az xəbər verir ki, bunu "RİA-Novosti" agentliyinə müsahibəsində qondarma Cənubi Osetiya lideri Leonid Tibilov söyləyib.

Onun sözlərinə görə, qondarma rejimin qüvvələrinin modernləşməsi Rusiyanın yardımı ilə aparılacaq.

Qeyd edək ki, Cənubi Osetiya 2008-ci ildə Rusiyanın Gürcüstana hərbi müdaxiləsindən sonra Tiflisin nəzarətindən çıxıb. Rusiya qondarma rejimin müstəqilliyini tanıyıb. Üstəlik, bir müddət öncə qondarma rejimin lideri Tibilov yaxın zamanlarda Cənubi Osetiyanın Rusiyaya anneksiyası ilə bağlı referendum keçiriləcəyini bəyan edib.