ABŞ müharibəyə girdi, hələlik bir zərbə ilə. Bundan sonra da eskalasiyanın olub-olmayacağı bilinmir. Rusiya və Çin ABŞ-ı sözdə sərt şəkildə qınayıb, amma hələ heç nə etməyib. Avropa İsrail və ABŞ-ı dəstəklədi, eyni zamanda da hücumları dayandırmağa çağırdı. Avropa İrana üç əsas hərbi məhdudiyyətlə razılaşmağı təklif edir: Nüvə yanacağı istehsalının, raket istehsalının olmaması və husilər, Hizbullah, eləcə də HƏMAS kimi radikal tərəfdarlarına dəstəyin dayandırılması.

Axar.az xəbər verir ki, bunu rusiyalı politoloq Sergey Markov deyib.

“Zelenski İsrail və ABŞ-ı dəstəkləməyə tələsdi. Ammasız. Ərəb ölkələri İsrail və ABŞ-ın İrana zərbələrini pisləyib, ancaq Rusiya və Çindən daha yumşaq formada. Onlar da heç nə etmir. BMT sadəcə olaraq sülh haqqında ümumi sözlər deyir. MAQATE narahatlığını bildirir. Amma əslində o, İrana qarşı casusluqda iştirak edir və bununla da İsrail və ABŞ-a nüvə obyektlərinə hücum etməkdə kömək edir”, - o bildirib.