Bu gündən Avropa üçün yeni dönəm başlayır.

Axar.az xəbər verir ki, bu barədə millət vəkili Qənirə Paşayeva açıqlama verib.

Deputat Böyük Britaniyada keçirilən referendumun nəticələrinə münasibət bildirib:

"Avropa Birliyi (AB) Brüssel vaxtı ilə 08:00-da böhran toplantısı təyin edib, günorta isə liderlər görüşəcək. Əsas müzakirə mövzusu Böyük Britaniyanın Avropa Birliyindən çıxması nəticəsində AB-nin dağılması ilə bağlı olacaq. Eyni zamanda, sözügedən qərarın AB-yə ciddi təsirləri də müzakirə olunacaq. Bundan sonra Avropa Birliyi əvvəlki güc və təsirə malik olmayacaq. Bu hadisə Böyük Britaniya üçün də bir sıra problemlər yaradacaq. Bu gündən Avropa üçün yeni dönəm başlayır. Populizm, qatı millətçilik və xarici düşmənçiliyin artdığı bir Avropa reallığı artıq ortadadır".

Qeyd edək ki, ötən gün Britaniyanın AB-dən çıxmasına dair referendum keçirilib. Seçicilərin 52%-i çıxmağa, 48%-i isə AB-də qalmağa səs verib.