Yaxın Şərqdəki müharibə ilə bağlı qələbə əhval-ruhiyyəsinin fonunda ABŞ Prezidenti Donald Tramp bu yanaşmanı – “güclə sülh” siyasətini Ukrayna müharibəsində də tətbiq edə bilər.

Axar.az xəbər verir ki, bunu ukraynalı diplomat Roman Bessmertnı deyib.

O, Rusiya Təhlükəsizlik Şurası sədrinin müavini Dmitri Medvedyevin nüvə təhdidinə Trampın reaksiyasını xatırladıb – elə bir təhdid ki, sonradan Medvedyev buna görə üzr istəməli olub:

“Axı Medvedyev Tramp üçün kimdir? Melanxolik bir cücə. Amma bu ifadə Trampın diqqətini çəkdi. Bu, onun üçün bir “tətiyə basmaq” oldu. Və Vladimir Zelenski bunu çox gözəl başa düşdü. O, Haaqada silah istehsalçıları ilə görüşdə açıq şəkildə dedi: “Diqqət yetirin, Kreml bu zərbələrə etirazla yox, yeni iddialarla cavab verdi. Və bu, düzgün düyməyə basmaq idi”.

Qeyd edək ki, Medvedyev ABŞ-ın İrana gecə zərbələrindən (22 iyun - red.) sonra bəzi ölkələrin nüvə silahlarını Tehrana təhvil verməyə hazır olduğunu bildirmişdi. Tramp isə açıqlamasında buna təəccübünü gizlətməmişdi.