Hazırda Ukrayna istənilən təhdidə qarşı mübarizə vasitələrinin tətbiqinə kompleks yanaşma sərgiləyir.

Axar.az xəbər verir ki, bu barədə ukraynalı radioelektron mübarizə vasitələrinin istehsalçısı Anatoli Xrapçinski bildirib.

“Düşmən dronlardan istifadəni müxtəlifləşdirir – ya aşağı hündürlüklərdə, ya da əksinə, 2 min metrdən yuxarı yüksəkliklərdə uçurur ki, bu da “Gepard” və ya “Brauning” sistemləri ilə onların tutulmasını mümkünsüz edir. Ona görə də əgər effektivlikdən danışırıqsa, mütləq radioelektron mübarizə vasitələrinin, kiçik zenit-raket komplekslərinin, dron-tutucuların və klassik topların tətbiqi ilə kompleks yanaşma olmalıdır”, – deyə ekspert bildirib.

Onun sözlərinə görə, həmçinin aviasiya – yəni helikopterlər və məsələn, F-16 kimi təyyarələr də cəlb olunmalıdır.

Xrapçinski xatırladıb ki, sonuncu dəfə İran İsrailə “Şahid” dronları ilə hücum edərkən, bu zərbənin qarşısını məhz F-16 təyyarələri almışdı:

“Məhz kompleks yanaşma düşmənin hərəkətlərini mümkünsüz edir, çünki bu halda onun haraya doğru irəliləməli olduğunu anlamağı çətinləşir”.