Britaniya hökuməti Avropa Birliyi ölkələrinin qurumdan tez bir zamanda çıxması ilə bağlı təzyiqlərinə cavab verib.

Axar.az xəbər verir ki, Britaniya Xarici İşlər naziri Filip Hemmond quruma üzv ölkələrin təklifindən imtina etdiklərini deyib.

"Britaniya üçün vaxt çərçivəsi əvvəlki kimi qalır. Bizim avropalı əməkdaşlarımız istəyirlər ki, biz hər şeyi tez bir zamanda edək. Lakin ortada Lissabon razılaşması var", - Hemmond bildirib.

Qeyd edək ki, Lissabon razılaşmasına görə, Avropa Birliyinin hər hansı üzvü qurumu tərk edə bilər. Lakin bunun üçün ölkə qurumu tərketmə səbəbini açıqlamalı, daha sonra danışıqlar aparmalıdır.