Koalisiyanın Suriyada apardığı mübarizə yalançı görüntüdən başqa bir şey deyil.

Milletinsesi.az xəbər verir ki, bunu Suriyadakı toqquşmalarda həlak olanların ailələrinin də iştirak etdiyi bir yığıncaqda çıxış edən Ayətullah Xamenei deyib.

Xamenei bildirib ki, İŞİD kimi radikal təşkilatların Suriya və İraqda yaradılmasının əsas hədəfi İrana hücum etməkdir: "Ancaq İranın gücü hesabına bu təşkilatlar olduqları torpaqlarda sıxışdırılıb".

İrandan gedib Suriyadakı toqquşmalarda həyatını itirən insanların "Allah yolunda cihad" etdiyini söyləyən Xamenei gənclərin rahat həyatlarından əl çəkib, Allah yolunda həyatlarından keçməsini "tarixin ən maraqlı hadisələrindən biri" adlandırıb.