İordan çayının qərb sahilindəki Hebron şəhərindən bir qrup nüfuzlu ictimai və dini lider öz əmirliyini elan etmək təşəbbüsü ilə çıxış edib.

Axar.az xəbər verir ki, bu barədə "Yerusalim Post" məlumat yayıb.

Bildirilib ki, yeni yaradılan qurum Rəmallahdakı Fələstin Milli administrasiyasının tabeliyindən çıxa və İsraillə “İbrahim razılaşması” adlanan saziş çərçivəsində ayrıca sülh bağlaya bilər.

Bu təşəbbüsü Şeyx Vadi əl-Cəbəri elan edib.

O, məşhur müsəlman komandiri Səlahəddinin dövründən bəri ailəsinin Hebronda qeyri-rəsmi hakimiyyəti saxladığını deyib. Şeyxin sözlərinə görə, hazırda Hebron və ətrafının əhalisinin 78%-i, yəni 700 mindən çox fələstinli onun nəzarətindədir. Onunla yanaşı, Hebron bölgəsindən daha 13 şeyx Fələstin muxtariyyətinin hakimiyyətindən imtina etməyə hazırdır. Onların əksəriyyətinin adları təhlükəsizlik səbəbi ilə anonim olaraq qalır.