Fransa Prezidenti Emmanuel Makron və Baş nazir Keyr Starmer arasında münaqişə Ukraynaya dəstək verən “İstəklilər koalisiyası”nın dağılmasına səbəb ola bilər.

Axar.az xəbər verir ki, bu barədə “Politiko” qəzeti mənbələrə istinadən məlumat yayıb.

Məlumata görə, “İstəklilər koalisiyası”nın dəqiq istiqaməti yoxdur, çünki London hələ də ABŞ-ın həyata keçirilməyən təhlükəsizlik zəmanətlərinə çox diqqət yetirir:

“Öz növbəsində, Böyük Britaniyada Makronu prezidentlik müddəti başa çatdığı üçün yalnız “mirası” haqqında düşünməkdə ittiham edirlər. Makron və Starmer arasındakı münasibətlərdə “çatların” yaranmasının əsas səbəbi ABŞ-a yanaşmadır”.

Qeyd olunur ki, hər iki ölkənin rəsmiləri qarşı tərəfin ABŞ prezidentinə qarşı davranışına görə getdikcə daha çox qıcıqlanır.