2006-cı ildə respublika ərazisində adam öldürmə, mənimsəmə və digər cinayətlərdə şübhəli bilinən Qızılyurdun keçmiş rəhbəri, Dağıstanın sabiq idman naziri Maqomed Maqomedovun barəsində olan cinayət işi baxılması üçün Cənub Dairə Hərbi Məhkəməsinə göndərilib.

Axar.az xəbər verir ki, bu barədə TASS məlumat yayıb.

“Maqomedov 2012-2021-ci illərdə Dağıstanın idman naziri vəzifəsində çalışıb. 2021-ci ilin aprelində Qızılyurdun rəhbəri olub. Dağıstanın keçmiş idman naziri və daha 7 nəfər təqsirləndirilən şəxsin işi Cənub Dairə Hərbi Məhkəməsinə baxılması üçün göndərilib”, - məlumatda deyilib.

Qeyd edək ki, ilkin olaraq Maqomedovun və onun yeddi şərikinin işinə Dağıstanda, respublikanın Ali Məhkəməsində baxılması planlaşdırılırdı. Amma Baş Prokurorluq Dağıstandan kənarda prosesin onun iştirakçıları üçün daha təhlükəsiz olacağını nəzərə alaraq, işin yurisdiksiyasında dəyişiklik edib.