Rusiya müharibədə uduzsa, onun ərazisində qeyri-sabit proseslər yaranacaq, bu da qonşularını təhdid edəcək. Bundan əlavə, zəifləmiş mərkəzi hökumət şəraitində nüvə arsenalına nəzarət də zəifləyəcək.

Axar.az xəbər verir ki, bunu Ukrayna Silahlı Qüvvələrinin Quru Qoşunlarının Ehtiyat Şurasının sədri İvan Timoçko deyib.

Timoçko xatırladıb ki, Avropa, ABŞ, Çin və daha 15 ölkə Rusiya ilə həmsərhəddir.

Onun sözlərinə görə, onların heç biri sərhədləri yaxınlığında xaotik proseslərin olmasını istəməz:

"Onların hər biri başa düşür ki, Rusiya məğlub olarsa, onun sərhədləri daxilində sabitlik pozularsa, onun daxilində ərazi, milli və ya dini prinsiplərə əsaslanan yeni anklavların yaranması mütləq baş verəcək.

Ölkənin özündə parçalanma olacaq və çox güman ki, bir sıra anklavlar qonşularına qarşı hansısa ərazi iddiaları irəli sürməyə qərar verəcək".

Timoçki əlavə edib ki, məhz sadalanan faktorlardan dolayı Qərb Rusiyanın məğlub olmasından ehtiyat edir.