Varşava sammitindən sonra NATO Rusiya sərhədlərində daha da aktivləşəcək.

Axar.az xəbər verir ki, bunu Rusiya Müdafiə Nazirliyinin kollegiya iclasında çıxışı zamanı nazir Sergey Şoyqu söyləyib.

Nazir bildirib ki, NATO-nun Rusiya sərhədlərində aktivliyini artırması Avropada strateji təhlükəsizliyi pozacaq.

Onun sözlərinə görə, Rusiya NATO-ya cavab verəcək. O, NATO-nun Polşa, Rumıniya, Bolqarıstan və Baltikyanı ölkələrdə aktivliyini artırmasının Rusiyanı narahat etdiyini bildirib.

Qeyd edək ki, Varşava sammiti iyulun 8-də start götürəcək. Sammitin keçiriləcəyi məkanlardan biri Prezident Sarayı olacaq. Məhz bu sarayda 1955-ci ildə Varşava müqaviləsi imzalanıb. Bu müqavilə ilə o zaman NATO-ya alternativ olaraq Varşava Müqaviləsi Təşkilatı yaradılıb.