İsrail Prezidenti Reuven Rivlin İstanbulun Atatürk Hava Limanında baş verən terror aktına görə, türkiyəli həmkarı Rəcəb Tayyib Ərdoğana başsağlığı verib.

Axar.az xəbər verir ki, bu barədə İsrailin Prezident Administrasiyası məlumat yayıb.

"Atatürk Hava Limanında baş verən terakta görə sizə və türk xalqına dərin başsağlığı verirəm. Bu namərd və qanlı hücum təəssüf ki, dünyamızda və bölgəmizdə rast gəlinən dağıdıcı nifrətin bir təzahürüdür", - məlumatda vurğulanıb.

Qeyd edək ki, dünən axşam saatlarında Atatürk Hava Limanında baş verən terror hücumunda ən azı 36 nəfər ölüb, 150-yə yaxın şəxs isə yaralanıb.