Münaqişədən sonra bərpa çərçivəsində Ukrayna 185 milyard dollar xarici borcunu ödəməli olacaq, bunun üçün iqtisadiyyata sərmayə qoyuluşu və istehsalın yaradılması tələb olunacaq.

Axar.az xəbər verir ki, bunu Ukraynanın keçmiş baş naziri (2010-2014) Nikolay Azarov deyib.

“Bərpada kimlər iştirak etməlidir? Təbii ki, Ukraynanın özü və ukraynalılar. Biz böyük borcları, 185 milyard dolları ödəməliyik. İqtisadiyyat işləmirsə, biz necə geri ödəniş edə bilərik? Bu o deməkdir ki, iqtisadiyyatı gücləndirməliyik. Onu yüksəltmək üçün isə bu iqtisadiyyata investisiyalar lazımdır. Borcları ən azı 30 il dondurmaq lazımdır. Və istehsalın təşkili ilə məşğul olmaq lazımdır ki, infrastruktura sərmayə qoymaq, müəssisələrin bərpası və s. üçün pul götürmək mümkün olsun”, - o bildirib.