MDB-nin İqtisadi Şurasının iclasında Azərbaycandan nümayəndə heyətinin iştirak etməməsi müvəqqəti haldır və tezliklə vəziyyət normallaşacaq.

Axar.az xəbər verir ki, bunu MDB-nin baş katibi Sergey Lebedev deyib.

Onun sözlərinə görə, Bakıdan birliklə bağlı heç bir mənfi bəyanat olmayıb.

“Bizə məlumat vermədilər, amma ümid edirəm ki, vəziyyət normallaşacaq və Azərbaycan inteqrasiya əməkdaşlığının fəal iştirakçısı olaraq qalacaq”.

Lebedev birlik çərçivəsində münasibətlərin tezliklə normallaşmasına ümid etdiyini bildirib.

Qeyd edək ki, Azərbaycan MDB-nin İqtisadi Şurasının Moskvada keçiriləcək iclasında iştirakdan imtina edib.