ABŞ administrasiyası Rusiyanın əsas ticarət tərəfdaşlarına təzyiq göstərmək üçün kifayət qədər vasitələrə malikdir.

Axar.az xəbər verir ki, bu barədə ABŞ Dövlət Departamentinin mətbuat katibi Temmi Bryus məlumat verib.

Brifinq zamanı Bryusdan soruşulub ki, Vaşinqtonun Rusiyanın əsas ticarət tərəfdaşları – Çin, Hindistan, Türkiyə və Qazaxıstana ünvanlamaq istədiyi hər hansı bir mesaj varmı?

Bryus cavabında deyib: “Həm ABŞ Prezidenti Donald Tramp, həm də Dövlət katibi Marko Rubio problem yaradan rejimlərə və ya bir şəkildə bizim milli təhlükəsizliyimizə təsir edən rejimlərə tədarük məsələsini həll etmək üçün çoxsaylı vasitələrə malikdirlər. Ona görə də onlar kiminlə ticarət etdiklərinə, kimi təmin etdiklərinə diqqətli yanaşmalıdırlar”.