Leninqrad vilayətinin səmasında ondan çox PUA məhv edilib.

Axar.az xəbər verir ki, bu barədə vilayətin qubernatoru Aleksandr Drozdenko məlumat verib.

“Leninqrad vilayətinə PUA hücumu dəf edilir. Ondan çox pilotsuz təyyarə artıq məhv edilib. Qatçina və Voyskovitski qəsəbəsində yanğınsız və itkisiz dağıntılar qeydə alınıb. Lomonosovski rayonunda vurulan PUA-nın dağıntıları özəl sektorda binalarda yanğına səbəb olub. Yanğın lokallaşdırılıb”, - Drozdenko Teleqram kanalında yazıb.

Qubernator qeyd edib ki, Fövqəladə Hallar Nazirliyi, Leninqrad Regional Yanğından Mühafizə və Xilasetmə Xidməti və meşə yanğından mühafizə xidməti yüksək hazırlıq vəziyyətinə gətirilib.