Ticarət obyektləri sökülən metro stansiyalarına "Əhmədli" və "20 yanvar" da əlavə olunub.

"Axar.az"ın əməkdaşının verdiyi məlumata görə, söküntü işləri bu gün də davam edib. "Əhmədli" metro stansiyasında polislərin nəzarət etdiyi proses zamanı sıxlıq yaşanıb. Satıcılar onlara günün sonuna qədər ərazinin boşaldılmasının tələb edildiyini bildiriblər. Bu səbəbdən mallarını dəyər-dəyməzə satmağa çalışıblar.

Xəbər verdiyimiz kimi, 2 gün öncə metronun "Koroğlu", dünən isə "Gənclik", "Elmlər Akademiyası", "Sahil", "Memar Əcəmi" stansiyalarında köşklər sökülüb.

Fotoreportajımızı təqdim edirik.