Kolumbiyanı bir-birinə qatan video ciddi müzakirə edilməkdədir.

Axar.az xəbər verir ki, Medelin xəstəxanasında lentə alınan videoda əməliyyat zamanı rəqs edən cərrahın Devid Madcan, tibb bacısının isə Anjelika Mexiya olduğu bildirilib.

Bruno Marsın mahnısının sədaları altında rəqs edən həkim lentə alınan videonu özü İnstaqram səhifəsində paylaşıb.

Polisin apardığı ilkin araşdırmalarda məlum olub ki, sözügedən cərrah haqda bir çox şikayətlər olub. Belə ki, bu il Madcanın əməliyyat masasında 42 yaşlı vətəndaş dünyasını dəyişib.

Medelin xəstəxanasının yaydığı açıqlamaya görə, həkim və tibb bacısı cərimələnəcək. Onların öz ixtisasları üzrə fəaliyyəti isə məhdudlaşdırılacaq.