Bu gün epilepsiya əleyhinə qəbul edilmiş iki oxşar preparatdan (Karbamazepin, Finlepsin) 2 azyaşlı zəhərlənib.

Axar.az xəbər verir ki, preparatdan zəhərlənmə hallarının olması dərmanların keyfiyyətini sual altına salır.

Zəhərlənmə hallarının tez-tez baş verməsi, dərmanların keyifiyyətinə nəzarətin hansı formada həyata keçirildiyini öyrənmək üçün Analitik Ekspertiza Mərkəzinin Dərmanların keyfiyyətinə nəzarət şöbəsi ilə əlaqə saxlasaq da, mövzu ilə bağlı danışmaq istəyimiz alınmadı. Mərkəzdən zəhərlənmə faktından xəbərdar olduqlarını desələr də, bu barədə hələ açıqlama vermək istəmədiklərini bildirdilər.

Xatırladaq ki, ötən gün də 5 azyaşlı zəhərlənmə diaqnozu ilə xəstəxanaya yerləşdirilmişdi.