Əksər insanlar ağrıkəsici və temperatur salma kimi aspirindən çox geniş istifadə edirlər. Bu preparatın bir çox faydaları var: prostatın qarşısının alınması, qaşıntını kəsməsi, təzyiqi salması, alzaymer və iflicdən qoruması. Lakin onun insan orqanizminə olan əks təsirlərindən çox az söz açılır.

Axar.az aspirinin insan orqanizmi üçün zərərləri haqda məlumatı təqdim edir:

Aspirin antikoaqulyant olub qanın durulaşmasına səbəb olur. Öldürücü olması, əsasən, toksik təsiri ilə əlaqədardır. Həzm sistemini pozur. Mədə xorası olan insanlar üçün daha təhlükəlidir. Yüksək dozada qəbul olunarsa, ölümə səbəb ola bilər. Homeostazı pozaraq qanın mühitini dəyişir ki, bu hal ölümlə nəticələnir.

Hamiləlik zamanı irsi anemiyalarda istifadəsi əks təsir göstərir. Bu zaman uşaqda ürək xəstəliyi formalaşar. Qaraciyər və böyrək funksiyalarını da pozur. Əməliyyat öncəsi istifadə edilərsə, qanaxma baş verər. Bəzi xəstələrdə allergik vəziyyət yarada bilər. Bu zaman dodaq, üz şişər və angionevrotik ödəm formalaşar. Sinir sisteminə də əks təsiri baş fırlanması kimi özünü göstərər. Toksik təsiri olduğu zaman hər iki qulaqda müvəqqəti karlıq yaranar. Qarşısı alınmasa, daimi karlıq yaradar.

1 yaşında uşaq 0,5 qramlıq 6 ədəd aspirin qəbul edərsə, zəhərlənərək ölə bilər. Buna görə də bu dərmanı azyaşlıların gözündən uzaq saxlamaq məsləhətdir.