Ana səhifə Sağlıq |
Çox nadir hallarda rast gəlinən dəri xəstəliyinə tutulan və Qazaxıstan mediasının "kərtənkələ uşaq" adlandırdığı Zasulan Korqanbek fəryad edərək, "artıq kərtənkələ dərili uşaq olmaq istəmirəm"- , dedi.
Axar.az xəbər verir ki, Qazaxıstan vətəndaşı 5 yaşlı Zasulan Korqanbekin doğuşdan sonra bədənində əmələ gələn "ichthosis" xəstəliyi onun dərisini kərtənkələ dərisinə çevirib. Belə ki, dəri sərtləşərək qabıq verib və tökülməyə başlayıb. Xəstəlik əvvəlcə yalnız gövdəsində əmələ gəlib, sonra isə irəliləyərək qulaq və üzünə sıçrayıb. Xüsusilə günəşli havada xəstəlik şiddətlənir. Bu da Korqanbekin həmyaşıdları kimi küçədə oynamasına mane olur. Onun çarəsiz anası oğlunun bir an əvvəl müalicə olması üçün əlindən gələni edib. 26 yaşlı ana Qazaxıstanda medianın köməyi ilə bir hədiyyə kampaniyası təşkil etdirib. Kampaniyada 36 min manat toplanıb. Ana oğlunun dərdinə yalnız İsraildəki xəstəxanaların birində lazer şüası ilə müalicənin dərmanı tapıldığı bildirilib.
Qeyd edilir ki, "ichthosis" xəstəliyi yunanca balıq mənasını verir. Elm dünyası bu xəstəliyə tutulan dərinin eynilə balıq pulu kimi töküldüyü üçün "ichthosis" olaraq adlandırıb.
Tarix
2014.06.24 / 03:31
|
Müəllif
Araz Əliyev
|