Ebola virusu Konqo Demokratik Respublikasında ölkənin 1.2 milyon əhalisi olan iri şəhərlərindən biri Mbandakada yayılmağa başlayıb.

Axar.az xəbər verir ki, Ümumudünya Səhiyyə Təşkilatı bununla əlaqədar sabah təcili şəkildə toplanmaqla bağlı qərar qəbul edib.

“Son baş verənlər çox ciddidir. Ancaq ebola ilə mübarizə üçün indiyə qədər heç vaxt olmayan qədər vasitə və texnologiyalara sahibik. ÜST və ortaqlarımız virusun yayılmasının qarşısını almaq üçün qərarlı addımlar atacaqdır. Mbandakanın əsas xəstəxanasında və Bikoro şəhərində təcrid bölgələri yaradıldı. Bundan əlavə, Mbandaka və Bikoro şəhərlərinin hər birində 20 xəstəni müalicə edə biləcəyimiz ebola müalicə mərkəzləri qurulmaqdadır”, - təşkilatın baş katibi Tedros Adhanom Qebreyesus deyib.

Qeyd edək ki, Qərbi Afrikada 2014-cu ildə başlayan epidemiya zamanı 6 ölkə ərazisində 11 mindən artıq insan həlak olub.