Ana səhifə Sağlıq |
Güllər təkcə estetik zövq predmeti deyil, həm də insan beyninin müalicəsində əvəzsiz rol oynayır.
Axar.az xəbər verir ki, bu qənaətə çiçəklərlə bağlı maraqlı araşdırma aparan Çin həkim və alimləri gəlib. Çin alimlərinin sözlərinə görə, nərgiz, novruzgülü, zəfəran, lavanda kimi çiçəklər bir sıra müalicəvi xassələrə malikdir. Belə ki, novruzgülünün tərkibindəki qalantamin maddəsi alzeymer xəstəliyi nəticəsində yaranan yüngül və ağır dərəcəli ağılkəmliyə, eləcə də beyin qan dövranının xroniki pozğuntularına faydalıdır. Bu maddə orqanizmdə asetilxolinin qatılığını artırır. Asetilxolin neyronlardan gələn məlumatların ötürülməsinə görə məsuliyyət daşıyır.
Qalantamin nərgiz gülünün tərkibində də mövcuddur. Bu çiçəyin eyni zamanda xərçəng əleyhinə xassələrə malik olduğu güman edilir. Hazırda bu amilin doğruluğu çinli mütəxəssislər arasında fəal şəkildə müzakirə edilir.
Sidney alimləri müəyyən ediblər ki, zəfəran görmə hüceyrələrinin elastikliyinə kömək edir. Lavanda isə qorxu hissini aradan qaldırır, yuxusuzluqdan xilas edir, eləcə də ağrı və aqressivliyi azaldır. Eyni xüsusiyyətlərə südləyən gülü də malikdir. O, həm də beyin hüceyrələrini qocalmaqdan qoruyur. Odur ki, həkimlər güllərdən tez-tez istifadə etməyi və evdə təbii güllər böyütməyi məsləhət görürlər.
Tarix
2019.04.20 / 18:26
|
Müəllif
Nigar İxtiyarqızı
|