Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
8 Dekabr 2019


Sabirabadda dəhşətli xəstəlik: Nazirlik araşdırmaya başladı

Ana səhifə Sağlıq
12 Punto 14 Punto 16 Punto 18 Punto

15:50

Sabirabadda iki nəfərdə qarayara xəstəliyi aşkarlanıb, onlardan biri dünyasını dəyişib.

Səhiyyə Nazirliyindən Axar.az-a verilən məlumata görə, Sabirabad Mərkəzi Rayon Xəstəxanasının infeksiya şöbəsinə yüksək hərarətlə 2 nəfər müraciət edib:

"İlk öncə onlar hərarətlərinin soyuqdəymədən qalxmasını etimal ediblər. Lakin sonradan vəziyyətlərinin ağırlaşdığını görəndə qohumları xəstəxanaya müraciət etməyi qərarlaşdırıblar. Müayinə zamanı infeksion şöbənin müdiri Fazil Əliyev xəstələrdə qarayara olmasını etimal edib. Bu səbəbdən də alınan nümunələr İmişli Rayon Taun Əleyhinə Stansiyaya göndərib. Nümunələri öyrənən Taun Əleyhinə stansiyanın mütəxəssisləri qarayara xəstəliyi diaqnozunu təstiqləyiblər. Diaqnozu bildikdə qohumları xəstələrin paytaxta aparmaq qərarına gəliblər".

Nazirlikdən bildirilib ki, iyul ayının 25-də xəstələr ağır vəziyyətdə Kliniki Tibbi Mərkəzə yerləşdiriliblər. İyulun 29-da xəstələrdən biri – 60 yaşlı kişi dünyasını dəyişib:

"Həkimlərin bildirdiyinə görə, yara ölənin sağ əlinin baş barmağında olub. Xəstəxanaya gətirilərkən xəstələr ağır vəziyyətdə olublar. Hazırda ikinci xəstənin müalicəsi davam edir".

Qeyd edək ki, bu xəstəlik, xəstə heyvanın emalı zamanı yoluxan infeksiyadır. İnsandan insana keçmir. Bu xəstəlikdən 2014-cü ildə 10 nəfərdə, 2015-ci ildə 9 nəfərdə, 2016-cı ildə 10 nəfərdə, 2017-ci ildə 6 nəfərdə, 2018-ci ildə 9 nəfərdə, 2019-cu ildə 7 nəfərdə qeydə alınıb. Bu günə qədər xəstəliyə yoluxma ölümlə nəticələnməyib.

***

Bu gün Səhiyyə Nazirliyi tərəfindən iki nəfər Sabirabad rayon sakininin qarayara xəstəliyinə yoluxması barədə AQTA-ya daxil olam məktubdan dərhal sonra agentliyin mütəxəssislərindən ibarət araşdırma qrupu yaradılıb və hadisənin baş verdiyi əraziyə ezam olunub.

Bu barədə məlumatı Axar.az-a açıqlamasında Azərbaycan Qida Təhlükəsizliyin mətbuat katibi Aysel Fərziyeva deyib. O bildirib ki, araşdırma qrupu tərəfindən xəstəlik törədicisinin mənbəyinin müəyyən olunması məqsədilə epidemioloji və epizootoloji araşdırmalara başlanılıb:

"Bu məqsədlə daxil olan informasiyalar təhlil olunaraq, anamnez məlumatlar toplanıb, xəstəliyə yoluxması ehtimal olunan şəxslərin şəxsi təsərrüat sahələrində, heyvanların saxlanıldığı ərazidə kliniki müayinələr həyata keçirilib, şəxsi təsərrüfatlarda olan heyvanların peyvəndləmə işləri təhlil olunub və heyvanların xəstəliyə yoluxma ehtimalı öz təsdiqini tapmayıb.

Agentlik əməkdaşları tərəfindən hadisənin baş verməsi ehtimal olunan mümkün səbəblər üzrə araşdırmaların əhatə dairəsi genişləndirilib və yoluxma ehtimalı olunan şəxsin qardaşına məxsus heyvan kəsimi məntəqəsinə baxış keçirilib. Kəsim məntəqəsindən müvafiq nümunələr götürülərək aidiyyəti üzrə laboratoriyalara təqdim edilib.

Aparılan araşdırmaların hazırki mərhələsinə qədər həmin şəxslərin təmasda olduğu heyvanlarda və heyvandarlıq təsərrüfatında xəstəlik faktı aşkar olunmayıb.

Hazırda agentliyin mütəxəssisləri tərəfindən laborator müayinələr və epidemioloji araşdırmalar, ehtimal olunan xəstəliyin törədicisinin müəyyən edilməsi istiqamətində tədbirlər davam etdirilir. Araşdırmaların nəticələri məlum olduqdan sonra ictimaiyyətə geniş məlumat veriləcək".

Tarix
2019.07.31 / 22:23
Müəllif
Nərmin Əkbərli
Şərhlər
Digər xəbərlər

Alimlərdən böyük kəşf: İnsanın qocalması...

Qara çay nə qədər faydalı olsa da... - Diqqət!

Autizmə səbəb olan gen şəbəkəsi aşkar edildi

Səhər içilən isti suyun inanılmaz faydaları

Məşhur həkimdən dönərlə bağlı ciddi xəbərdarlıq

Bu virus 140 min insanın həyatına son qoydu...

Təsdiqləndi: Saç boyası xərçəng yaradır

Tələbəni öldürən “toksik zəhərlənmə” nədir?

Püstənin müalicəvi əhəmiyyəti nələrdir?

Alimlər göz üçün elə bir linza yaratdı ki...

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla