Azərbaycan Milli Elmlər Akademiyasının müxbir üzvü, Akdəniz Universitetinin professoru Tərlan Məmmədov Türkiyədə apadığı tədqiqatlar nəticəsində koronavirusa qarşı hədəf zülallarını müəyyən edib.

AMEA-dan Axar.az-a verilən məlumatda bildirilib ki, azərbaycanlı alimin müəyyən etdiyi metodla virusa qarşı vaksinin istehsal olunma ehtimalı yüksəkdir.

Qeyd edək ki, T.Məmmədov, həmçinin, dünya üzrə ən çox insan xəstəliyinə və ölümünə səbəb olan malyariyaya qarşı vaksin də hazırlayıb. Alim əldə olunan vaksinin milyonlarla insanın həyatını xilas edəcəyini bildirib.

T.Məmmədovun bu vaksininin kliniki sınaqlarda istifadəsi də artıq Türkiyə hökuməti tərəfindən dəstəklənir.