İnanılmazdır, ancaq faktdır: Rusiyada hazırda formal olaraq yazıçı yoxdur. Belə ki, RF-nin Əmək Məcəlləsində "yazıçı" sənəti mövcud deyil.

Axar.az xəbər verir ki, onun reyestrə daxil edilməsi ədiblərin əməyinin minimal əmək haqlarına yenidən baxılması prosesində dönüş nöqtəsi ola bilər.

Rusiya Federasiyasının vitse-spikeri Sergey Jeleznyak bildirib ki, bizim çoxmillətli mədəniyyətimizin incisi olan və dünya sivilizasiyasına güclü təsir göstərən böyük rus ədəbiyyatı dövlət səviyyəsində dəstəyə layiqdir. O, güman edir ki, ədəbiyyat ili olan 2015-ci ildə rus ədiblərinə sosial təminatlaın verilməsini qanunvericilik səviyyəsində həll etmək xüsusilə vacibdir. Bu, yaradıcılıqları Rusiya vətəndaşlarının mənəvi-əxlaqi tərbiyəsinə xidmət edən yazıçılara böyük kömək olardı.

Yəqin ki, qanunvericilikdə edilən dəyişiklik internet şəbəkəsində müəllif hüquqlarının piratlıqdan qorunmasının gücləndirilməsi ilə başladılmış proqramda növbəti addım olacaqdır.