Bu günə qədər heç kimin qida paketlərinə toxunaraq COVİD-19-a yoluxması ilə bağlı fakt qeydə alınmayıb.

Axar.az xəbər verir ki, bu barədə Ümumdünya Səhiyyə Təşkilatı (ÜST) Tvitter hesabında “COVİD-19 yeməkdən keçə bilərmi” sualına aydınlıq gətirərkən deyib.

“Buna baxmayaraq, qida təhlükəsizliyinə diqqət etmək həmişə vacib bir yanaşmadır. Yeməyi çox yaxşı bişirmək lazımdır.

Əsasən də, ət, toyuq, yumurta və dəniz məhsullarını.

Düzgün şəkildə bişirmək demək olar ki, bütün təhlükəli mikroorqanizmləri öldürür.

Bundan başqa, daha əvvəl bişirilən yeməklər də yaxşıca qızdırılmalıdır”, - məlumatda bildirilir.