Respublika Yanıq Mərkəzinin sabiq müdiri özəl cərrah kimi xidmət göstərir.

Axar.az xəbər verir ki, gənc yaşından baş həkim işləyən və səs-küylü istefası ilə bir müddət əvvəl gündəmdə olan Vüqar Ələkbərov sonuncu əməliyyatını Gömrük Hospitalında edib. V.Ələkbərov Türkiyədə də cərahiyyə əməliyyatlarında iştirak edir.

V.Ələkbərov Respublika Yanıq Mərkəzinin müdiri vəzifəsindən istefasına səbəb kimi işlədiyi mərkəzdə özbaşınalığın hökm sürdüyünü deyib. Mərkəzin yeni rəhbəri isə Şöhrət Məmmədov təyin edilib.

Avropa təhsilli V.Ələkbərov sosial şəbəkədə aktiv foto-paylaşımları ilə də seçilir.

Xatırladaq ki, ötən il 5 saylı Şəhər Klinik Xəstəxanasının Yanıq şöbəsinin adı və statusu dəyişdirilib. Xəstəxanada aparılan struktur və kadr dəyişikliyi nəticəsində yanıq şöbəsi Respublika Yanıq Mərkəzinə çevrilib.